Легалізацыя афіцыйных дакументаў/апастыль
Афіцыйныя дакументы, якія выдаюцца дзяржаўнымі ўстановамі Рэспублікі Беларусь, прымаюцца арганізацыямі замежных дзяржаў пры ўмове іх консульскай легалізацыі. Для дзяржаў-удзельніц Гаагскай Канвенцыі ад 05.10.1961 года легалізацыю замяняе апастыль. Па стане на 1 мая 2012 года да Гаагскай Канвенцыі далучылася 105 дзяржаў-удзельнікаў.
Апастыль сведчыць сапраўднасць подпісу, якасці, у якой выступала асоба, якая падпісала дакумент, і, у належным выпадку, сапраўднасць пячаткі або штампа, якімі змацаваны гэты дакумент.
ЗАЎВАГА: Афіцыйныя дакументы, выдадзеныя чэшскімі органамі (пасведчанне аб нараджэнні, пасведчанне аб шлюбе, пасведчанне аб набыцці грамадзянства, дакументы аб адукацыі і іншыя), якія прадстаўляюцца грамадзянамі ў прыватным парадку ў Пасольства для ажыццяўлення адміністрацыйных працэдур павінны быць легалізаваныя (завераныя апастылем) у адпаведных кампетэнтных органах Чэхіі (Міністэрстве замежных спраў, Міністэрстве юстыцыі або Міністэрстве адукацыі).
У рамках Дагавора паміж Звязам Савецкіх Сацыялістычных Рэспубалік і Чэхаславацкай Сацыялістычнай Рэспублікай аб прававой дапамозе і прававых адносінах па грамадзянскіх, сямейных і крымінальных справах ад 12.08.1982, правапераемнікамі якога з'яўляюцца Рэспубліка Беларусь і Чэшская Рэспубліка, без легалізацыі і прастаўлення апастыля дакументы прадастаўляюцца толькі па запытах аб прававой дапамозе кампетэнтных органаў.
У Рэспубліцы Беларусь права прастаўлення апастыль маюць:
| Міністэрства юстыцыі (г. Мінск, вул. Калектарная, 10) | на дакументах, выходных з судоў, дзяржаўнай установы «Цэнтр судовых экспертыз і крыміналістыкі Міністэрства юстыцыі Рэспублікі Беларусь», Рэспубліканскага працоўнага арбітражу, галоўных упраўленняў юстыцыі абласных, Мінскага гарадскога выканаўчых камітэтаў, ведамасных натарыяльных архіваў, а таксама ад натарыусаў |
| Міністэрства адукацыі (г. Мінск, вул. Савецкая, 9) | на дакументах, выходных з устаноў адукацыі |
| Дэпартамент па архівах і справаводству пры Савеце Міністраў (г. Мінск, вул. Калектарная, 10) | на дакументах, выходных з дзяржаўных архіваў Рэспублікі Беларусь |
| Галоўнае консульскае ўпраўленне Міністэрства замежных спраў (г. Мінск, вул. К. Маркса, 37а) | на ўсіх іншых відах дакументаў, якія паступілі з дыпламатычных прадстаўніцтваў і консульскіх устаноў Рэспублікі Беларусь альбо запатрабаваных імі |
Грамадзяне Рэспублікі Беларусь, замежныя грамадзяне і асобы без грамадзянства могуць таксама аформіць апастыль праз дыпламатычныя прадстаўніцтвы і консульскія ўстановы Рэспублікі Беларусь. Гэта магчыма, калі дакумент, выдадзены ў Рэспубліцы Беларусь, знаходзіцца ў заяўніка за мяжой, а яго вяртанне ў Рэспубліку Беларусь выклікае складанасці.
У гэтым выпадку заяўнік звяртаецца ў дыпламатычнае прадстаўніцтва з арыгіналам дакумента, на якім варта праставіць апастыль, і выплачвае консульскі збор у памеры 35 еўра.
Пасля гэтага арыгінал дакумента па каналах дыпламатычнай пошты накіроўваецца ў галоўнае консульскае ўпраўленне Міністэрства замежных спраў Рэспублікі Беларусь, дзе на яго апастыль прастаўляецца. Дакумент з апастылем па каналах дыпламатычнай пошты накіроўваецца ў адпаведнае дыпламатычнае прадстаўніцтва, дзе яго можа атрымаць заяўнік.
Тэрмін прастаўлення апастыля ў Рэспубліцы Беларусь складае 1 дзень са дня прад'яўлення дакумента, а пры неабходнасці правядзення спецыяльнай праверкі, запыту дакументаў і (або) звестак ад іншых дзяржаўных органаў, іншых арганізацый – да паступлення адказу на запыт. У той жа час з улікам неабходнасці перасылкі дакументаў у Рэспубліку Беларусь і назад агульны тэрмін для атрымання заяўнікам дакумента з прастаўленымі на ім апастыль складае каля 3 месяцаў.
Тэрмін дзеяння апастыля – на тэрмін дзеяння дакумента, на якім апастыль прастаўляецца.
