Аб семінары па заканадаўству Рэспублікі Беларусь для дзелавых колаў Чэхіі
26.01.2016 г.26 студзеня 2016 г. у Празе адбыўся семінар на тэму «Змены ў заканадаўстве Рэспублікі Беларусь па пытаннях прадпрымальніцкай дзейнасці», што быў арганізаваны юрыдычнай фірмай «Peterka & Partners» у супрацоўніцтве з Гандлёва-прамысловай палатай па краінах СНД і Пасольствам Рэспублікі Беларусь у Чэшскай Рэспубліцы.
Семінар прыцягнуў увагу больш за 40 прадстаўнікоў дзелавых колаў Чэхіі, якія змаглі азнаёміцца з апошнімі зменамі ў заканадаўстве, што накіраваны на паляпшэнне ўмоў вядзення бізнесу ў Рэспубліцы Беларусь.
У сваім прывітальным слове Надзвычайны і Паўнамоцны Пасол Рэспублікі Беларусь у Чэшскай Рэспубліцы Курдзюкоў В.М. праінфармаваў аб бягучым стане двухбаковых гандлёва-эканамічных адносін, прывёў прыклады паспяховых беларуска-чэшскіх праектаў, прапанаваў для разгляду новыя перспектыўныя напрамкі супрацоўніцтва, у тым ліку — праекты ў рамках дзяржаўна-прыватнага партнёрства.
Дырэктара дэпартамента знешнеэканамічнай палітыкі Міністэрства прамысловасці і гандлю Чэшскай Рэспублікі Марцін Поспішыл выказаў падтрымку працэсам, што накіраваны на зняцце абмежаванняў, і развіццю эканамічных сувязяў паміж Рэспублікай Беларусь і Чэшскай Рэспублікай.
Генеральны дырэктар страхавога таварыства «ЭГАП» Ян Прахазка і намеснік генеральнага дырэктара Чэшскага экспартнага банка Яраслаў Выбарны прэзентавалі наяўныя магчымасці фінансавання беларуска-чэшскіх праектаў.
