Выдача пасведчання на вяртанне ў Рэспубліку Беларусь пры страце/крадзяжы пашпарта
Для атрымання пасведчання на вяртанне грамадзянам Рэспублікі Беларусь у выпадку крадзяжу або страты пашпарта, якія дасягнулі 14-гадовага ўзросту:
- заява на выдачу пасведчання (бланк, узор запаўнення);
- дзве каляровыя фатаграфіі заяўніка, адпаведныя ўзросту памерам 35х45 мм на белым фоне;
- дакумент, выдадзены кампетэнтным органам Чэшскай Рэспублікі (Policie České Republiky — Паліцыяй па справах іншаземцаў), які пацвярджае зварот заяўніка па пытанню крадзяжу (страты) пашпарта грамадзяніна Рэспублікі Беларусь;
- дакумент, які пацвярджае ўнясенне платы (квітанцыя аб аплаце консульскага збору).
не дасягнуўшым 14-гадовага ўзросту законны прадстаўнік непаўналетняга прадстаўляе:
- заяву на выдачу пасведчання (бланк, узор запаўнення);
- пашпарт ці іншы дакумент, які сведчыць асобу законнага прадстаўніка непаўналетняга (пры яго наяўнасці);
- дзве каляровыя фатаграфіі непаўналетняга, адпаведныя яго ўзросту, памерам 35х45 мм на белым фоне;
- дакумент, выдадзены кампетэнтным органам Чэшскай Рэспублікі (Policie České Republiky — Паліцыяй па справах іншаземцаў), які пацвярджае зварот заяўніка па пытанню крадзяжу (страты) пашпарта грамадзяніна Рэспублікі Беларусь.
Консульскі збор за афармленне пасведчання на вяртанне складае 20 еўра (грамадзянам да 14 гадоў — бясплатна). Квітанцыю на аплату консульскага збору заяўнікі атрымліваюць у Консульскім аддзеле Пасольства пры падачы дакументаў. Заяйнік аплачвае у той жа дзень у любым зручным аддзяленні ČSOB-банка толькі наяўным разлікам.